ايه هو Active Directory؟ وازاي هيفيدك كا Red teamer ,
Active Directory (أو AD) هو نظام إدارة مركزي من مايكروسوفت
المؤسسات بتستخدمه علشان تدير بيه كل الأجهزة واليوزرات والصلاحيات من مكان واحد
تخيل إنك في شركة فيها 500 موظف
مش منطقي تروح كل جهاز وتعمل لكل واحد يوزر وصلاحيات بإيدك
هنا بييجي دور AD
أول ما الجهاز ينضم للدومين
كل حاجة بتتحدد له من فوق
مين عنده صلاحيات
إيه السياسات اللي تتطبق عليه
إيه البرامج المسموح بيها
مين يقدر يدخل على فولدرات معينة
مين ممنوع يشغّل USB أصلًا
الـ AD بيتكوّن من إيه؟
Domain: ده الكيان الكبير اللي بيضم كل الأجهزة واليوزرات
Domain Controller (DC): السيرفر اللي بيشغّل الـ AD وبيتحكم في كل الترافيك والإدارة
Users & Groups: هنا بتحدد مين يقدر يعمل إيه، ومين يتبع مين
Organizational Units (OUs): بتنظم الأجهزة واليوزرات حسب الأقسام (HR، IT، Finance...)
Group Policy Objects (GPOs): السياسات اللي بتتطبق تلقائي على الجروبات أو الأجهزة
بيشتغل إزاي؟
لما اليوزر يفتح جهازه، بيبعت request للـ Domain Controller
يطلب إذن الدخول
الـ DC بيشوف بياناته وصلاحياته
ويرجع له الموافقة أو الرفض
وبناءً على السياسات، بيتحدد له إيه اللي يقدر يعمله جوه الشبكة
وبيستخدم بروتوكولات زي:
Kerberos للمصادقة (authentication)
LDAP للبحث والتعامل مع الداتا
فين بقى دورك كمختبر اختراق أو Red Teamer؟
الـ AD هو أكتر نقطة بتتعامل فيها مع Privilege Escalation حقيقي
وأكبر مساحة ممكن تشتغل فيها Lateral Movement
بمجرد ما توصل لأي جهاز دوميني
إنت دخلت اللعبة الكبيرة
ممكن تبدأ بـ account بسيط
بس من خلال BloodHound أو PowerView تعرف توصل لمين عنده access على إيه
وتبدأ تبني خط سير للهجوم
تستغل:
Weak permissions على جروبات
Service accounts معاها tickets قابلة للـ Kerberoasting
GPOs مفتوحة تقدر توزع منها payload
أو حتى admin sessions موجودة في الذاكرة ولسه ما تمسحتش
كل دا بيخليك تتحول من مجرد attacker
لحد فاهم البنية وبيتحرك من خلالها بهدوء وبالطريقة اللي توديه للـ Domain Admin
الخلاصة
لو فاهم Active Directory فانت قطعت شوط طويل في الطريق
#Sen00oo
حساباتي على منصات التواصل:
| المنصة | الرابط أو المعرف |
|---|---|
| فيسبوك | [حسابي الشخصي] |
| يوتيوب | [قناتي الرسمية] |
| تويتر (X) | [Sen00oo] |
| تليجرام (شخصي) | @Sen00oo |
| جروب تليجرام | [انضم للجروب] |
| قناة تليجرام | [تابع القناة] |
| جروب واتساب | [انضم للجروب] |
💰 للدعم المادي:
| الطريقة | التفاصيل |
|---|---|
| InstaPay | sen00oo@instapay |
| رقم الهاتف | 01272834923 |
| PayPal | [رابط PayPal ] |